احذرو هذه الشركة الوهمية 2024.

شحالكم عساكم بخير وسهالة..

اممممم
عندي لكم موضوع
امممم لا سالفة يمكن امممم قصة
المهم انتو شوفو واحكموووا,,

حبيت أ نبه اي حد يشوف اعلانات في النت ويبغي يشتري منهم قصدي من الدول الاوروبية طبعاً ( لان مستحيل اهل البلاد جي يسون لأنهم والحمدلله أصحاب ضماير حية )
لا تصدقون هالاعلانات ابدا لأنهم (نصابين حسبي الله عليهم ) لأن السالفة صارت وياية انا عاد احب اغامر وللأسف طلبت منتج من شركة وهمية واللي بيسمع رمستهم يقول مول مايكذبون ,, انخدعت لأول مرة فحياتي
بس زين عشان تكون عبرة لي وللغير .. انا صح يمكن دفعت مبلغ قليل 330 يورو معني ااعرف ان هالبلاد عملتهم الباوند بس قلت يمكن هالشركة تتعامل باليورو المهم 330 يورو هب وايد وما يسوى بس حبيت ا نبه الناس اللي ممكن ينغرون بالمنتاجات الثانية ويدفعون بالملايين وآخر شي ما بييبون لهم حاية من اللي طلبوه,, انزين كنت متواصلة وياهم وحولت لهم البيزات واترياهم يطرشون لي رقم التتبع والشحن وغيره انزين بعد كمن يوم طرشوا لي ايميل أونه نحن آسفين المدير قال مانقدر نطرش شي واحد اطلبي ثلاثة زيادة وبنعطيج المنتج الرابع مجانا ,, طبعا مستحيل أسويها,,~~>الحين اعتبرنا ..خخخ
المهم انا شسويت ضفتهم بايميل ثاني وكلمتهم عساس اني شخص ثاني وطلبت منهم منتج ثاني وقلت لهم تقدرون توصلون لي منتج واحد قالوا أكيد ,, شوف الــ………. شقول غير حسبنا الله ونعم الوكيل عليهم..
تخيلوا سوو لي فاتورة عساس اني شخص ثاني بس تخيلو الفاتورتين بنفس الرقم شوفوا الصور محددة عليهم دواير..
لاوبعد يحطون صور عن الشركة اونهم ويكتبون انا بائع لكل انواع الفونات وغيره ,, ,,ويطرشون فواتير كلها مزوه ووهميه
بحط لكم كل شي عشان تشوفونه بعينكم وتصدقون,,

ارجو نشر الموضوع

هاي هي صورة اونها شركتهم

وهاي الفاتورة الاولى

وهاي الفاتورة الثانية اللي طرشوها ع الايميل الثاني عساس اني شخص ثاني شوفو رقم الفاتورتين نفس الشي

شوفو المرفقات