قبل ما ابتدى موضوعى ابغى اقوللكم شى
اتمنى انه كلامى يعجبكم الصراحه فى ضاهره
جديده منتشره عندنا نحنا البنات فى المدارس
انه البنات يلبسون جواتى الله يعزكم كل طبجه غير عن الثانيه ويقولون هى موضه
| سبحان الله والحمد لله ولا إله إلا الله والله أكبر |
الصراحه ابغى رايكم يا جماعة الخير
لو هي راقده على عمرها البنات بيسوون كل شي
لانه ها الشي معروف…البنت تطلع من بيتها بشكل عادي ويطلع الخبال كله في المدرسه..
غير عن جي قصات الشعر والبف الي واصل لين سقف الصف والشباصات الحمرا والخضرا والصفرا والوان قوس فزح وحركه رفع كم القميص ما ادري شو الحكمه منها
غير عن جي الصراخ في نص الساحه على الفاظي والمليان
وشي غريب انه الاهالي يخلون بنات يحفون حواجبهم والله اني بطلت عيني
وحده عمرها 13 وحافه حواجبها؟؟ انا بها العمر كنت اخمس بنص الفريج هههههه
هذا كله من تجربتي في المشاركه في معارض المدارس خاصه الثانويه
حتى بالصالون وحده قوم 10 سنوات يايه تصبغ شعرهاا اشقر ..
يحليهاا بقمه البرائه .. اتقول ماما طرشتني مع الدريول وابا هاللون ><..!
للأسف يعني والحمدلله راعيه الصالون عندها ضمير وقالت لها ما نصبغ للصغاريه ..!؟
وين كناا وين صرنا .. ونحناا للحينه نسمع الصبع منقود إلا عقب ما اتعرسين ..
الحمدلله ..
حتى عدنا بالجامعات يلبسن طبجه فوشي وأخضر *_*..!! حتى شعرهم فوشي ههههه..
شر البليه ما يضحك .. !!
ما اقول غير الله يهدييهم ويهدينا ان شاء الله والحمدلله ما طلعناا من اصحاب هذي الموضه ..
هيها ضاعوا البنات واختربت الدنيا الله يرحم زمان اول المديرة من تطالعنا بعينها نموت خوف ولا إذا خالفنا توقفنا ولا تردنا البيت ولاانا نحصل هذيك القرصة نذكرها ليومنا بصراحة المدرسة ربتنا وما ننسي فضل الاهل علينا ما اقول إلا الله المستعان لهذا الجيل الفاشل ( البعض وليس الكل )والإيد الوحدة ماتصفق
يعني الام وينها و بنتها لابسه لبس موب محتشم او حاطه ميك آب او صابغهـ او حافه حواجبها ,,و العياذ بالله
و اذا بنقول الام كبيرة بالسن او البنت يتيمهـ بس وين الاب اوووكي الاب بالدوام او كبير بالسن او متوفي
وين الخوات وين الاخوان وين سآروا بآجي الاهل
او
الاهل راضين عن هالشي و صآر عآآآدي ….هذا شي ثاني
و ثاني شي لازم ادارة المدرسهـ اتشدد للطالبات
لان مثل مآ احنا اتعلمنا ..هم بيتعلمون …ولازم يكون حزم سواء فالبيت و المدرسهـ
لان هذي اليآهل بتكبر و بتشكل عايله و عقب بيكونون جيــل كآمل
و السموحهـ ع الاطآله و هذا رايي ^^
البنت تطلع من البيت اهلها وينهم عنها خواتها الكبار واذا ماشي كبار امها وينها عن بنتها؟
كيف ترضى بنتها جيه تسوي
والله نحن على ايامنا كحل بالعين ما نقدر نسويه لو خفيف الحين رسم عيون وجلووس وروج وحالتهم الله
الي يسمع راييييحين عرس مب مدرسه
والمدرسه وين دور الاخصائيه وين دور المديره والوكيله والمدرسات حتى
كيف يسكتون عن هالشي؟
والا كل وحده فيهم بتقول انا مب مسؤؤله عنهم
والله صدق انه جيل ضايع وربي يعيييين ويستر علينا وعلى بناتنا
اولا هاذي موضه بداو فيها الاجانب
وبصراحه الغلط من ولي الامر
اللي بخلي البنت على راحتها وبتسوي اللي تباه
مشكوره اخت حوريه عالموضوع
اتمنى ان ينال اعجابكم بردي هذا
لا إله إلا الله
محمد رسول الله
أخوكم فهد البدري
من مملكة السويد