من أجل مصلحة النادي اللي هو واجهة المنطقة تقريبا لما يحمله النادي من أسماء رمساويه و أسم النادي .. رؤية ان نضع موضوع يتناقل بعض الإقتراحات اللي ربما تغيب عن إدارتنا الجديدة الموقره أو يستفيد منها البعض .. و ربما تأتي بإيجابية .. فلا يجب ان نستهين بأضعف الأشخاص عقلا .. فإن الله وضع العلاج في أضعف خلقه
أي شخص يحب مصلحة النادي ياريت أنه يبدي رايه و أقتراحه هنا (( مع التوضيح )) ..
يعني ما يقول اقتراحه بلغة الألغاز أو انه ينتقد أي عضو من الأعضاء … (( يدا بيد نصل لما نريد )) .. أقترح و أبدي رأيك و الإدارة بإذن الله بتدرس رأيك و بتطبقه لو فيه مصلحه للنادي .
فكرتي هي :
السلام عليكم و الرحمة .. حبيت أطرح هذي الفكرة للجميع و ان شاء الله تنفع في يوم من الأيام انها تتطبق عندنا في النادي .. و إذا ما تطبقت فما فيها شي المهم اني حاولت ..
أخواني ليش ما يكون للنادي مجلس شرف ..؟؟
شو ينقصنا ..؟؟ و لا لأن النادي و الفريق في مستويات متدنية ؟؟
يمكن نقول او نضحك لهذا الكلام 
. مجلس شرفي لنادي من الدرجة الثانية و محتل القاع بجدارة
الفكرة هي : ليش ما نخصص عضويات للجماهير .. ؟؟ يشاركون الإدارة أرائهم و أفكارهم بشرط (( يحق للإدارة الرمسية للنادي إلغاء اي عضوية بسبب تراه مقنعا و لمصلحة النادي . ))
يعني ليش ما نخصص سنويا عضوية تقريبا بقيمة 300 درهم . (( فرضا )) كعضوية .. اللي حاب من الجماهير انه يجتمع مع الإدارة في قاعه و يبدي رأية و أقتراحه . و تكون من أمتيازات هذي العضوية ..
2- الأدارة تتناقش معاهم بكل شفافية و وضوح من الناحية المادية للنادي و الفنية .
3- الإدارة تتناقش معاهم عن الخطط المستقبلية للنادي .
4- التعاون بين إدارة النادي و العضو لما هو فيه من مصلحة للنادي .
(( مع الحفاظ لحق الإدارة الرمساوية في إلغاء أي عضوية .. و أي أقتراح من قبلهم لما تدعيه من مصلحة النادي و القوانين المتبعه في النادي ))
==============
الفوائد من هذي المجلس :
2- جمع الأراء و الاقتراحات و نظام التصويت و الترشيح و المشاورة هو أفضل الطرق و أنفعها .. مع حفظ حقوق الادارة الرمساويه لما تراه مناسب للنادي .
3- حرص الإدارة على العمل الجاد لتوضيح خططهم المستقبلية أمام الأعضاء المسجلين و التفكير الجاد
| سبحان الله والحمد لله ولا إله إلا الله والله أكبر |
4- عدم اتهام الجماهير للإدارة بالتقصير او باللا مبالاة .
5- جعل كل رمساوي مساهم و لو بجزء بسيط للنادي و لمصلحة النادي .
و غيره بإذن الله
بس لازم بشروط ان العضو لا يقل عمره عن السن المعين .. و غيرها
هذي يمكن تكون بداية للفكرة .. او تكون فكرة غير منطقية .. المهم حبيت اطرح الفكره عل و عسى تكون خير للإدارة
و شكرا
العتيبي
وفكرتك انا اؤيدهـــا ,,
وان شاء الله اي فكره راح تخطر فبالنا
من اجل مصلحة النادي ,,
راح نبديها ,,
الشكر لك مره ثانيه ,,
قايد الغزلان
أشكر أخوي العتيبي على هذا الطرح
بصراحة الفكرة جيدة وتستحق الدراسة على الأقل من قبل مجلس الادارة الجديد للفوائد العديدة التي ذكرتها في الموضوع أعلاه … ولتدشين هذه الفكرة يمكن للادارة طرح عدة خدمات للمساهمين كوجبة وقت المباراة وحجز كرسي في المقصورة الرئيسية أو غيرها من الخدمات التي من الممكن أن تجذب الجماهير المحبة
بالتوقيق للجميع
و نتريا اقتراحاتك و افكارك ان شاء الله
================
أشكرك اخوي بوعبدالله على المرور .. و مثل ما قلت انه لو يضيفون فيها خدمات للأعضاء المسجلين .. من الماء و حجز كراسي في المقصوره و غيرها من هذي الخدمات ..
و ياريت لو تتربت اشوي الباركنات اللي برا اللستاد علشان الواحد يعرف وين يبركن .. بخطوط
و يكون الشي مرتب على الاقل
و لنا عوده ان شاء الله
العتيبي
لا إله ألا الله .. محمد رسول الله
بالنسبه لفكرة العضويات حلوه وأحس بتفيد النادي
بس أحس لو يكون شي فعاليات للأعضاء بيتشجعون وبيشتركون ( مثلا كل أسبوع أو كل شهر أو اجازة يكون شي
مسابقات أو تنظيم لرحلات جماعية أو يخلون الأعضاء يشاركون اللعيبه وينافسون بعض باللعب بأي رياضة –
يبتكرون لهم يوم كل سنه يكون اليوم الرياضي للنادي
وبالنسبه للثقافي ليش ما يسوون دورات تنموية – كمبيوترية – أو ساعه نقاشية حول كتاب معين كل أسبوع
ولو يسوون معرض للكتاب بين فتره وثانيه بيكون حلو ( مثلا يتفقون مع احدى التسجيلات والمكتبات بأنهم يزودونهم بالكتب لفتره معينه أسبوع كمثال بشرط يستفيدون بـ10 % مثلا من الأرباح )
وبعد ليش ما تخصص كلاسات معينه للعيبة مثلا كلاس دراسي كل ثلاث أيام يدرسون فيه عن الرياضة و الثقافيه العامه والتنمية….
هذا اللي عندي والسموحه
".. إذاعة الشارقة .."أنا أؤيد أخوي العتيبي على هالفكرة الطيبة وأتمنى نلقى رد من إدارة النادي وأن تبدي رأيها فالموضوع ..
و أتمنى من الجميع المشاركة و إبداء أرائهم
العتيبي
لا إله ألا الله .. محمد رسول الله