على الشارع العام ! - وصل اماراتي

(شايب ) على الشارع العام !

في احدى الأيام كنت ماراً بسيارتي بعد الساعة الثامنة صباحاً في أحد الشوارع العامة ولفت انتباهي أحد الشواب ( رجل كبيرفي السن ) – عمره تقريبا في السبعينات – يقف على طرف الشارع بمساعدة العكاز وتساءلت في هذه اللحظات إلى متى سيبقى هذا الشايب واقف بهذا الشكل ؟ والجو حار و قد يتعرض لمخاطر الطريق فقررت التوقف لتوصيله إلى مقصده وبدأت معه في السيارة هذا الحوار القصير :

– تفضل يا الوالد وين تبغي تسير , وين أوصلك ؟.
– أبغي البنك .
– حاضرين يا الولد ولا يهمك .
– الوالد وين ياي في ها الوقت بروحك ؟
– أنا ساكن قريب من هاذي المنطقة وصار لي نص ساعة طالع من البيت مشي حتى وصلت الشارع .
– ليش ما وقفت (تاكسي ) يوصلك ؟
– ما أقدر أوقف تاكسي لأته ماعندي فلوس في جيبي ادفع لهم .
– ليش وين عيالك ماحد ساكن معاك ؟
– عيالي … إيه يابوي – وهو يتنهد ويتنفس بعمق – ( عيالي ياريتني مايبتهم ) ماحد منهم مهتم فيي ، عندي 3 أولاد و3 بنات علمتهم وكبروا وتوظفوا وعرسوا ماحد يزورني منهم ولا حتى يتصلون ، بعضهم أعرف عيالهم وبعضهم ماعرف كم عندهم من لعيال ؟
– الله يسامحهم كيف مخلينك عايش بروحك وأنته أبوهم في ها العمر ؟
– ماعندي غير فلوس ( الشؤون ) أصرف على نفسي وياله تكفيني .
– أنا عايش ما وياي حد بس أدفع لواحد طباخ يسويلي الغداء وأعطيه المتيسر.

سبحان الله والحمد لله ولا إله إلا الله والله أكبر

إنتهي حواري مع والدنا ( الشايب ) بوصولنا للبنك المقصود بعد أن عرفني على نفسه وشكرني

ودعا لي من كل قلبه وهو متأثر وناقص يبكي على حالته الصعبة … وأترك لكم بقية التعليق !!

الله يكون فعونه

لا حول ولا قوه العا بالله
حسبي الله عليهم من أعيال ..

[flash=http://download.mrkzy.com/e/1912_md_13374412136.swf]WIDTH=400HEIGHT=350[/flash]

هذا الشايب لو ماكان عنده عيال ,,يعني حرمته ماتحمل ,,كان بيتزوج الثانية والثالثة
حتى ييون هالعيال .. وعيال هالزمن ما منهم فايدة ..اللهم يقولون يابوحمد ويابوحسن
إلا من رحم ربي ..أنا أنصح الكل طبعاً ..إذا باجر عياله كانوا مشغولين وخاصة في وظائفهم بأبوظبي وهو من الشمالية..فما يصيح ويقول عيالي ودروني ونسوني..
لكل وقت له ناسه ..فما يزعل ..لو واحد منّا عنده حرمة زينة وطيبة ..مايصبر يقول أبا عيال ..حالي حال الناس :ويوم يكبرون العيال فيقول يا ليتني تميت ويا حرمتي الطيبة ومافرطت فيها من أجل هاللأشكال ..توّالناس

لاحول ولا قوة الا بالله العلي العظيم ..

اصبحت الماده كل شيء في حياة الابناء وينسون والديهم لكن مش كل الابناء والله في ابمناء قلوبهم ماتطاوعهم
حتى ولو بالكلام الطيب والرعايه يا جماعه هاذيل والديكم وهم سبب ظهوركم للحياة الله يكون فالعون …
شكراً اخوي لك ولتعاطفك الطيب مع هذا الرجل المسن وجزاك الله خير ….

لا تحاصر نفسك بالسلبيات ولا تحطم روحك بالحزن والاسى ..
استفد من فشلك وعزز به تجربتك ..
توقع دوما الخير ولو صادفت الفشل ..

التعديل الأخير تم بواسطة الأميرة الحسناء ; 12 – 5 – 2024 الساعة 03:10 PM

الله يكوون بعونه يا رب

لا حول ولا قوه العا بالله

والله المستعان