طبعا وصلنا مثل ما قلت لكم بين العصر والمغرب بس ما جفنا لمت خيالة مارة خخخخ
وبدينا نطلع الجبل الاخضر واخير بعد ساعات من المشي على الدرب
يا مطولها الدرب نقول متى بنوصل لين فوق
وراك بوي حشرنا متى بنوصل متى بنوصل
وجان يشمر عن ساعده وبدا يصور وياي هع
ان بغيتوا الصدق تمينا نمشي وايد الصراحة حتى انا قلت متى بنوصل ههه
وتمينا نمشي ونمشي ونمشي وصعقنا وتخبلنا يوم جفنا هاللافته 2035 فوق سطح البحر والامر من ها انا تمينا نمشي عشرات الكيلو مترات ولفوق ما ادري عاد كم وصل الارتفاع 250 او 300 ما ادري عنه
وقفة عند اللافته خذينا فيها منظر للمنطقة من فوق
وكملنا طريجنا
كانت الساعة وقتها مممممممم اظني 7.30 ( اوووووووونه )
واخيرا وصلنا الفندق يا سلااااااااااام
طبعا شي سيارات غيرنا كله الامارات هههههه
اسم الفندق: فندق الجبل الأخضر
يمكن أن تحجز بالهاتف عدد الغرف وسعرها تقريباً 450 درهم لليلة ، ويفضل أن تكون في وسط الأسبوع لأن آخر الأسبوع زحمة جداً
رقم الفندق: 0096825429223 – 0096825429224
موظف الاستقبال
انزل الاغراض ( ادري بو ناصر يحليله ينزل ويقول شو ها انا انزل وهذيل جيك وجيك شو ها خخخخخخخ )
وطبعا عالعادة لازم راك بوي مسوي شي غلط
حضرته جاب الكرك فوق كناديري خوش والله شو البس انا الحين
الغرفة اللي سكنا فيها تحمل رقم ( 17 ) ذكريات
الفندق من داخل ( اللوبي )
بو ناصر يحليله يخبرنا عن المنطقة
وسرنا عقبها المطعم طلبنا لنا عشا
ملاحظة:
في المنطقة المطاعم قليلة ، لذا الأفضل شراء الطعام من المطعم وهو رخيص يعني الوجبة ما تزيد عن 35 درهم إماراتي
يقدم البرياني والرز الأبيض والمشويات وجميع أصناف الطعام
وطلعنا خذينا لفة وصلينا ورجعنا واتعشينا وتونا بنام نجوف واحد عالكمبيوتر منو منو طلع هالبوي اللي عافسنا عفاس خخخ
ليلة سعيدة شباب
اصبحنا واصبح الملك لله الواحد القهار الحمدلله الذي احيانا بعد ان اماتنا واليه النشور
وطلعنا وسرنا استراحة وجان نشوف راك بوي مثل ما تشوفون بالصورة حن لايام الطفولة يا ربي شالين شاب ولا نونو
هالوادي كان ورانا
وكملنا حواطة في المنطقة
وجفنا يهال يبيعون فواكه واشياء ما اعرف شو اساميها بو ناصر شو اسمه ها تراني نسيت شو اسمه
تفاح بس مب تفاحنا تاكله من داخل ابيييييييييييييض
ملاحظة:
وهذا التفاح من إنتاج مزرعة السلطان قابوس الواقعة في أعلى الجبل، لأن المزرعة مخصصة لإنتاج الفواقة للبلاط السلطاني ، ولكن في أوقات يكون الإنتاج أكثر من المطلوب فيتم بيعه لأهل المنطقة بسعر رمزي ، وهم يبيعونه لزوار المنطقة كسباً للقمة العيش.
واشترينا عنهم وتمينا ناكل بالسيارة وكملنا
وصلنا هالمكان رووووووووعة بمعنى الكلمة
هنيه بو ناصر عباله مجابل بث تلفزيوني
مورد ماي ينزل وبكل مكان تحصل واحد ما شا ءالله الينابيع تارسة الدنيا عندهم تبارك الرحمن
هنيه راك بوي ضربه هوجاس التصوير اول ما جفته عبالي طيطار تاريخي
نرجع ونقول وين اهل الجيولوجا يشرحون لنا كيف استون هذي
وكذلك كملنا طريقنا
المواشي السائبة بكل مكان دورت بقر عشان استشعر جو الرمس ما حصلت شي الصراحة
ينبوع ماي يمشي وينزل بس ما يطلع اونه
راك بوك بعمره ما جاف غنم قال خلني اصور هالغنيمات
انا بعد ما ادري شو ياني خلاني اصور هذيل
ها قاص على عمره عباله يالس باوروبا
خلاص ما كنت اصور صديت هالصوب ما اجوف الا راك بوي يبا يطير عباله عباس بن فرناس
شوي ما اجوف الا بو ناصر بعد يبا يطير اقول كلهم انجلبو صقور هنيه ما اجذب تراهم بعمان خخخخ
بو ناصر برايه طار طاح المهم سويج الموتر خخخخخخخخخ
طرينا الصقور ويت الصقور تنط بس بطريقتها
ونحن طالعين قناص الحرباء والطيطار قنص له قنصة معروف ما يحتاي اقول منووو
ومرينا صوب اليهال مرة ثانية خذينا لنا تين
وتمينا نتمشى
وسرنا صوب منطقة فيه نبع جريب مرة ودخلنا جيه بمبنى قديم
امس المنطقة "العين"
نبع ماي جاري مسكين راك بوي عباله طرزان يبا يدش هنيه يطالع من وين ايي هالماي وعرضنا عليه نعطيه مصاصه على طول وافق خخخخخخخ
الماي الصراحة حلووو بشكل
بحيرة تغذيها الينابيع بالماي والاولاد حواليها تنطيط وسباحة وناس عايشة
لا ترد للموضوع بقية
.
لا تأسفن على غدر الزمان لطالما
رقصت على جثث الأسود كلاب
.
.
Just_me
التعديل الأخير تم بواسطة RAKBOY783 ; 25 – 4 – 2024 الساعة 04:16 PM
| |
 |
استعداد للقفز
يوباااااااا
بووووووف
اهداء لمحبي الورد من شلة الرحلة
هاي الرمانة عاد سالفتها سالفة بو ناصر قالنا لا ادشون مكان مب عام او مزرعة خاصة او شي نحن خليناه يتجدم شوي وجان اندش انا وراك بوي مزرعة نصور وما وحالنا نصور ثلاث اربع صور الا نسمع حد يزاعق منو هناك ويتكلم كلام ما فهمت له الصراحة وندقها شردة انا جدام وراك بوي ميود القميص لين وصلنا السيارة ونحن انافخ وانا وقتها اتريا اطير ولا اتيبس شي ما تعرفون لهم وذكرتني هالسالفة بايام اللوز ايام الصبا
وبعد كملنا
وصلنا لمنطقة بعيدة اسمها "وادي بني حبيب"
وصلنا عند هالوادي ونزلنا له هيه رجال بوي ( لو بالليل خسي خخخخخخخخخخخخخخخ )
وبدينا ننزل الوادي شي دري يديد على نمط قديم
تحس نفسك كان بمسلسل الجوارح اصوات طيور وهدوء وجو رهيب رهيب
بسكم عاد اهديناكم ورود و ايد هاي اهداء لبو ناصر
هاي رمانة بس بدون هزاب وشردة وعفيس
طبعا خذينا صورة تذكارية هنيه بعد
هاي يقولون انها منصة اعدام او شي جيه ( توم وجيري بالسين )
ونحن بالوادي يتنا رشة مطر ويالله شردة لفوق وصلنا السيارة النسخ ماشي مولية وهلكانين برد
احد اللي يبيعون و عياله ( الحمدلله على الحال اللي نحن فيه )
سرنا شلينا اغراضنا من الفندق وشلينا غدانا وسرنا الاستراحة نتغدى
وقفنا بالاستراحة ورتبنا امورنا
غدانا احم احم يمي يمي ( يا ربي صايم هلكت يوع )
طبعا كان هو وشو رد طاح مطر
وكملنا دربنا
وترد الامطار تتساقط من جديد
وادي يجري
التقينا بهالشيخ الطيب وسولفنا وياه عن الحياة قبل القار كيف كانت وياهم قال كانوا ينزلون المدينة بين فترة وفترة وعن طريق الحمير والمشي الله يعينهم قبل
وسرنا عقبها صوب الجسر المعلق
وجفت هالثمرة ما ادري عاد كيف جيه كلها شوك
وكملنا عقب لشارع فرعي يديد بعد
وتمينا نطلع لفوق ما ادري عاد وين بنوصل
بعض الاطفال اللي يبيعون جفناهم بطريق العودة ونحن ننزل من الجبل الاخضر
حادث لسيارة من نوع جيب شيروكي جفناه مسوي حادث
همسة ( راك بوي حتى هناك يصور حوادث )
منظر عام لجبال ووديان تجري ( سبحان ربي الاعلى )
نزلنا من الجبل الاخضر ووصلنا اخر نقطة تحت الساعة ؟؟؟؟
في طريق العودة الى ارض الوطن
ونحن عالدرب مرينا محل حلوى مشهور واشترينا منه الحلوى العمانية
كلينا منها شوي يميمي ولا احلى
واخيرا وصلنا الرمس دار الهمس
فريق الرحلة
بالفعل كانت رحلة جميلة ومحلنا وجود الشلة الطيبة والمعذرة على التعليقات كلها سوالف وضحك
وشكر خاص لبو ناصر
انصح الجميع انهم ياخذون رحلة هناك ويفضل يكون وياهم واحد يدل المكان وضروري وياهم سيارة 4×4 ولا ما بخلونكم تطلعون ولازم تتاكدون من الدبل شغال بالموتر ولا لا لانكم بتحتاجونه بالنزول
وشكرا للجميع على المتابعة
وداعة الله
لا تأسفن على غدر الزمان لطالما
رقصت على جثث الأسود كلاب
.
.
Just_me
التعديل الأخير تم بواسطة RAKBOY783 ; 25 – 4 – 2024 الساعة 04:14 PM
| |
|
أووووووووووووووووف عيشتنا الجو بصراحة ومناظر روعة لا هنت
| |
|
هي والله عشنى الجو وياكم
رووووووووووووووووووعه التصوير والتعليقات ولا اروع
تسلموووووووووووووووووو ماقصرتو
| |
|
رحله جميله ماشاء الله .. استمتعنا في الاجواء والمناظر .. شكرا ..
| |
|
هههههههههههههههههه
يسلمووووووو ع الجوله استاانساا الصرااحه واهم شي اني تجولت ببلاش ,,, ^^
[align=center][/align]
| |
|
واااو ماشاء الله روعة الرحلة والمكان والاجواء والرفقة كلشي تمام اموركم عدلة ماشاء الله
وناسة اتونست بالصور الله ينطيكم العافية
وهذا البريعصي شكله عجيب على الموضة
عمي هاي وضعيات لمحترفين التصوير
الله شهيتوني بالتين يم يمي
وبالعافية عليكم الغدا والعشا والحمد الله على سلامتكم
والشكر لبوناصر انه عطف عليكم واخذكم وياه ههههه امزح
ينطيك العافية جست مي
والله الدنيا ماتسوى من دون
" هنا "
| |
|
هههههههه
رحلة حلوه وتصوير وتعليق احلى …
يعطيكم العافيه ..
| |
|
ههههههههههههههههههه هههههههههههههه الصراحه تعليقاتك كشششششششششخه ضحكتني وايد ههههههههههه
يا حليلـــــــــــــــه راك بوي صج حن لأيام الطفوله @_@ جان يودته وددددددددددددددددزيته 
بقووووووووووو >> يالشريره ههههههههههه
هههههههههههههه ما شاء الله عندنا عباسين بن فرناسيين ههههههههههههههههههههههههه
راك بوي ما شاء الله يمكن يود عمره شوي @@
بس بو ناصر وين يحليله @@
ههههههههه ههههههههه غربلات عدوك طيطار تاريخي أونه ههههههههههههههههههههههه
يا حليله راك بوي صج صج هوايته التصوير ههههههههههههههههه
الله عليييييييييييه لونهــا أول مره أجوفه @_@ كششششششششششخه والله ،، سبحان الخالق ..
يوم أقولكم يحب التصوير من خاطر خاطره @@ لقطه ولا أررررررررررررررررروع ..
عيبني التصوير هنيييييييييه كشششششششخه ،،
ما شاء الله صج والله ررررررررررررررررررروعه : )
و حمدالله ع سلامتكم مؤخررررررررررن ..
و نتررررررررررررقب الزود من رحلاتكمممممممممم
ربي يحفظكمممممم نفر نفررررررررررررررررر
^___________^
ڊۈماً لڳَ ﺂﻟحمَد يَ ﺂﻟلہ ﻋڊڊ مَ ڊﻗٺ ﺂﻟنبضآٺ . . ♥
| |
|
ما شاء الله
الصور حلوة واحلى صور هي الجماعية هع ^^
اسميكم الا ابدعتوا بختيار الزوايا واماكن التصوير
والتعليقات ما عليها رمسة ابد ..
صحون العيش شكلها يدوخ خاصة انه الحين قبل الفطور وانا اطالع الصورة ههههههه
بس صور الامطار بصوب والله احلى شي يوم المطر يصب !_! .. [ مبروك عليكم الرحمة ..~
سلمت يمناكم ( جست مي + راك بوي ) على ها الصور
وشكراً للناقل الرسمي .." بوناصر"..
