ياجماعه فحص الشامل في محطة الإمارات حكايته حكاايه .. بس ودي واحد من المسؤلين يتجاوب وياي بكل شفافيه .. هذيل محد رايملهم ولا بالعند فينا نحن هل راس الخيمه مطفريبنا هاجذه .. انا واحد من عقب اللي شفته لو عندي موتر موديل 2024 مابيبه افحصه عندهم .. لأنه شغلتهم شغلت فلسفه اكثر من ماهيه تقنيه ومهنيه .. ومخبلين بالملباريه اللي يفحصون خبال ..
لو طاف موتر عليه ستكر الدوله بتتفنش .. لو طاف موتر عليه توربو بتتكنسل ولو مركبينه في الوكاله .. وتامين مساكين يتنافضون .. يلعنون أم الموتر ويفصخونه تفصيخ إلا يزخون عليك شي .. ويالله يوم يجكون شي .. تشوفهم يهنون بعض .. مب ناقص إلا يطق صبع وإياوش هناك .. حاله يرثى لها .. لذلك تشوف اللي مجبور ومودي موتره الفحص حارق أعصاب أعصابه .. وواصله القلوب الحناجر من الروعه ..
ياجماعه خفو عليهم شوي .. بعض الأمور التافهه والصغيره تجاوزو عنها .. حالكم حال فحص اينوك بدبي وأدنوك بابوظبي .. بصراحه تورطنا بمحطة الامارات .. بس حسبي الله ونعم الوكيل ..
| سبحان الله والحمد لله ولا إله إلا الله والله أكبر |
تدرون ربيعي على شو رسبوه .. والله على قبضة القير ماشي !! ونخافك ياحبيبي تزلق إيدك ونته تبدل القير .. فديت حالي صرت مهم هالكثر ..
وأخيراً .. ماقول غير حكم القوي علينا .. ومجبورين لفحص السمحه 
. وأمرنا لله .
مره ريلي راح يفحص موتري واللي هناك ماطلعو يمررونها ودخل ريلي للمسؤول المواطن وهزبهم لين مامشو الموتر
اللي يركِّب الزينون القوي مثلاً…مأذّي العالم وعاشيهم … هذا مب لازم عليه يشيل هاللمبات؟
اللي حاط شعارات تمجد الصليب ولا الديانة الهندوسية ولا رقم البن كود مال البي بي … مب لازم عليه انه يشيلهن؟
اللي حاط دبل مخفي..ما يعتبر مخالف؟
القاعدة المعروفة: إمشي عدل…يحتار المرور معاك
تسلم ع المداخلة الحلوة ^^
مخالف
بالعكس اخي الفاضل ، انا دخلت سيارتي الشامل في نظام وياخذون هم سيارتك ويفحصونها ويسلمونك اياها بالصوب الثاني ، وفي ارقام خذلك رقم وسلمهم سيارتك واجلس فالاستراحة انتظرها تخلص ، ايسلمونك عيوب السيارة وهذا لمصلحتك عني وحدة مالي خبرة فالتواير هاك الزود بس يوم دخلت السيارة الفحص قالي من مصلحتج تبدلينها فنفس اللحظه بدلت عندهم التواير ومشيت ، كان بامكانه يقولي بدلي تواير ويعطيني ناحج ولكن انا اللي بنظر مب هو ، ليش نزعل من الروتين ،
