انهاردة حصلى حاجة وقلت ادخل افضفض شوية معاكم انهاردة اتصلت عليا رقم 050 انا كنت نايمة ورديت قالى مبروك انتى كسبتى نص مليون درهم قلت اية الهبل دة وقفلت وبعدين قمت بعدها بشوية اتصلت ع الرقم تانى وقالى تانى انتى كسبتى والكلام دة وطلب منى رقم باسبورى وانا زى الهبلة اديتة الرقم واسمى انا برضة مش مصدقة وطبعا اللى بيكلمنى بنجالى حقير او هندى معرفش المهم اتصلت ع جوزى وقالى دة دول نصابين قلتلة لا دة ادانى رقم ملف ورقم الشيك وقالى روحى دبى الاسلامى واسالى هناك ى دول حرامية طبعا استنيت جوزى هو شغلة ع الكورنيش وبينة وبين الرمس يعنى ربع ساعة ضغطى على عليا وقعدت رايحة جاية احلم هنشترى حتة ارض ف بلدنا ف مصر ونبنيها بيت لينا طيب هنروح بلدنا ولا هنقعد هنا احنا عايشين معززين مكرمين لا احنا نعيش هنا المهم هنبنى حتة بيت صغير لينا عشان لما ننزل مصر نلاقى مكان نقعد فية وحلمت ولا حرام عليا انى احلم ودة مبلغ كبير يعنى اللى خلانى اكون مصدقة ان مثلا ف دبى وابوظبى ماهما بيعملوا مسابقات ع عربيات غالية والناس بتكسب وبرضة مبالغ
المهم جوزى لما جة شديتة من ع الباب قلتلة خد كلمهم انا مش بفهم كلامهم كلمهم طبعا بيكمل المسلسل ع جوزى وبيقولة وانت رقم الشريحة كذا كذا قالة اة قالة طيب حولى 1200 درهم رصيد عشان انا اديك الشيك فكان جوزى بقى قايلى ع حكاية ال1200 دول لان واحد صاحبة صدق وشحنلهم ب750 درهم المهم انا بقى قعدت اعيط جامد وجالى انهيار وقلت لجوزى لازم اروح اعمل محضر ف مركز الشرطة قالى خلاص بقى قلتلة لما هتمشى ع الدوام هاخد العيال واروح اعمل محضر لان المركز هنا قريب منى خالص وخلانى اتصلت ع الشرطة وحولونى ع مركز الرمس وانا بحكى للضابط عيطت ومش قدرت اتكلم وجوزى كلمة وقالى انة يقدم المحضر ف الجريمة منظمة باين ف الظيت فهو هيبقى يروح يعمل البلاغ وهو رايح الدوام الفترة التانية
بس انا غصب عنى حلمت ولا حرام عليا ولية يلعبوا باعصاب الناس كدة لية معدش فية ضمير …..حسبى الله ونعم الوكيل ف كل واحد مش بيتقى ربنا
| سبحان الله والحمد لله ولا إله إلا الله والله أكبر |
معلشى صدعتكوا بس انا قلت انتم اخواتى ادخل افضفض شوية
يعنى ماهو اللولو دلوقتى عامل مش عارفة جايزة عربية زى المنامة من فترة برضة والله بشترى من هنا ومن هنا ولا ملينا القسايم ولا حطيناها خالص احنا عارفين عمرنا ماهنكسب حاجة وانا فعلا بقول القرش اللى بنتعب فية حلال دة ربنا يبارك فية لكن قرش يجى بالساهل بيروح بالساهل
بس ا اتعلمت عمرى ماحلم تانى ابدا انا عيش الواقع وبس مهما كان
|
المشاركة الأصلية كتبت بواسطة 7elw alatba3y
 قديمه هالحركاتالنصب والاحتيال من فترة كبيرة
|
كمان قديمة منة لله تعبلى اعصابى الصبح
انا تعرضت وغيري تعرض ولكن هل من متعظ؟
والعتب على القلوب البريئة التي تصدق مثل هذه الاحتيالات.
مع ان حذروا من هالاشـكآل
|
المشاركة الأصلية كتبت بواسطة شباصة منقصة
الله يكون بعونج اختي
مع ان حذروا من هالاشـكآل |
مانا والله ماعرف انا لو اعرف كنت قفلت ف وشة يلا احمد لله الانسان مبيتعلمش بالساهل
|
المشاركة الأصلية كتبت بواسطة وجهة نظر فقط
والله زين كان يكلمكم بأدب ساعات يقل أدبه ويشتم
|
مماهو حصل كدة ف الاخر حسبى الله ونعم الوكيل فيهم جميعا واحد بنجالى ولا هندى عارف كلمتين عربى يضحك علينا وكمان يشتم ف الاخرع العموم العيب عليا انى صدقتة وهيروح من ربنا فين
|
المشاركة الأصلية كتبت بواسطة ام احمد
حبيبتي ام هدى…في السماء رزقكم وما توعدون
انا تعرضت وغيري تعرض ولكن هل من متعظ؟ والعتب على القلوب البريئة التي تصدق مثل هذه الاحتيالات. |
ربنا يخليكى يام احمد وجوزى قالى اقرى كل يوم جريدة الامارات وانتى هتقرى ان ناس كتيرة مقدمة فيهم بلاغات بس انا معرفش يمكن هنا المنتدى اللى عرفنى ع البلد شوية
الحمد لله صحيح انا مش اتضريت ماديا لكن تعب اعصابى وتعبنى نفسيا ربنا يكون ف عون اللى يبقى مضرور من الناحيتين