الموافق : 13/9/2011
الساعة : السابعة والنصف صباحا
المكان : مستشفى صقر – رأس الخيمة
| سبحان الله والحمد لله ولا إله إلا الله والله أكبر |
و اليكم الصور المعبرة عن دوام المستشفى و التأخير
و الطبيب لايتواجد حتى التاسعة الا ربع و نحن ننتظر ..
بعد الإنتهاء من الطبيب ذهبنا الى قسم الأشعة
تم إعطاؤنا موعد حتى الشهر القادم
علما اننا أخبرناهم ان الالم الموجود يحتاج الى علاج سريع
و ليس مواعيد متأخرة … و تم الرد خذوا أدول عند الألم
نظام المستشفى
الشهر الرابع( أشعة و صور ) …..الخ
بس من بتكلم لا حياه لمن تنادي
حسبي الله ونعم الوكيل
[BIMG]http://store2.up-00.com/Dec10/1aN91203.jpg[/BIMG]
مااحد مهتم فيهم ومامحصلين أحد وراهم يحاسبهم على أفعالهم وتقصيرهم
بس فالحين يضيعون وقت المواطن بدون فايده
بس لو الوزاره تحط عليهم شوي
تقيدهم تتحركـ شوي كان زين لازم يعني نشتكي فالبث المبااشر!!!
المفروض يرتزعو فكراسيهم من الساعه 7 الموضفين من ماكان يكون
من اصغر واحد فالمستشفى لين أكبر واااحد
الواااحد بيمووت وهم بعدهم تعاالو لناا عقب ماادري كم يووم ولا كم شهر
الله المستـعـآأن
والسموحه على الاطااله
ويجب وضع عقوبات صارمة كالإقالة حتى يلتزم الغير،
لأن المستشفى بالفعل يعاني من تسيب في عدد الحضور حتى الساعة العاشرة أحيانا،،!
شكـرا للنقل الموثق بالصور،
دمت بخير،
التعديل الأخير تم بواسطة رذاذ عبدالله ; 15 – 9 – 2024 الساعة 10:18 PM
بس أن شاء الله حد يدخل ويشوف الصور بنفسه من حاكم راس الخيمه ويتخذ الاجراءات الازمه لان صدق لو ماسمعو ولاشافوا بنفسهم جان ماعرفوا بأوضاعنا …
يعطونا مواعيد ع الساعه 9 وندخل الغرفه الساعه 12 شوفوا الفرق كيف ؟؟؟؟؟؟
صدق تعبنا من هالمهزله
أن شاء الله يحطون الأشخاص المناسبين للاماكن المناسبه ×××
فضحوهم
والله يستاهلون الفضيحه
عيل هذا دوام مب لعبه
لا وبعد يعطون مواعيد من الصبح اللي يقول هم يداومون اللحين
أن المرضي ميلسيين يتريون الدور في قسم الانف والحنجره
والابواب مسكره ع الممرضات
والدكاتره …. يوم بطلت الباب اشوف شو السالفه ليش مايزقرون الاسامي !!!!
كانت المفاجأة !!! الممرضات يالسات يتريقن 
والمرضي ميلسيين برع
وها الكلام أعتقد ع العشر وعشر ونص !!
وين الاداره عنهم !
إدارته بتكون من بوظبي
والمشكلة معتمدين على الآسيويين في اخراج الملفات وتوصيلها العيادات ولا يسال ولا يتابع تأخر ولا وصل الملف او لا للعياده خلاص عطاه الرقم وانتهى الموضوع وانت تنتظر في احسن الظروف مب اقل عن ساعة ،،!!!!!