للي يحبون ورق العنب مثلي ..
الى راح نحتاجه هو
1 كوب ارز مصرى واذا حبيتو اتزيدون كيفكم
كزبره وبقدونس وشبت
4 حبات طماط
2 بصل
3 فصوص ثوم
ملعقه صغيره من ملح اليمون
زيت زيتون
عصير حامض
ملح
2 بطاط
ورق عنب كلافونيا
| سبحان الله والحمد لله ولا إله إلا الله والله أكبر |
طبعا انا حطيتهم كلهم فى الخلاط مال الخضره وخلطتهم بدل ما اقعد اقصص البصل بروحه او الطماط بروحه واذا ما عندكم الخلاط مال الخضره عادى قصوه بروحكم البصل والطماط والثوم والكزبره والبقدونس والشبت قطع اصغار وايد واخلطوهم مع بعض ورشو لهم اشوى من الزيت زيتون وملعقه صغيره من ملح اليمون وملعقه صغيره من الملح وشوى من العصير الحامض تقريبا 3 او 2 ملاعق ..والارز المصرى نسلقه على النار نص سلقه وعقب ما انخلص من سلقه انظيفه للحشوه ونخلطهم مع بعض .
وطبعا انيب جدر عود ونضيف له شوى من زيت الزيتون ونيب 2 حبه من البطاط انقشره وانقطعه دوائر ونصفه هو اول شى فى الجدر وعقب انحط فوقه حشوات الورق العنب الى سويناه بس بطريقه مرتبه عشان ما يخرب شغلكم وعقب ما تخلصون الاوراق كلها اترسوه ماى لين حد الورق او لين يوصل لمستوا الورق عنب اوكى وضيفو 12 كوب زيت زيتون وشوى من عصير الحامض وملح اليمون اشوى بس وملح اشوى بس وغطوه زين وحطوه فوق النار بس على نار وسط لين يجهز عندكم
ها طريقتى الخاصه وكل حد جرب الورق عنب مالي مدحه …
انا ابغي ورق عنب ..
تسلم يمنااااج
ما يعيبني
لكن شو اقول لشيفتنا الرادار
حلو وايد يسلموووووووووووو وتسلم هالديات
بالعكس حلو ورق العنب وايد يا عاشق الطقس
اسغفر الله العظيم نعمه
ع العموم يزااج الله خير يا
الراااداااار خخخخ
مدمنه ورق عنب <>> لا تخافون ما فيني عرج مصري هههههههههههههههههه
[flash=http://www.dmuae.com/up//uploads/files/Dmuae.com-a81dfc1162.swf]WIDTH=400 HEIGHT=203[/flash]
تسلمين آختيه إمـرأه لا تُنسـى ع التوقيع الرآئع
يتوا عالعوق انا وايد احب المقبلات وخاصة الورق العنب والتبولة والفتوش …
بسير اجرب الطريقة وانشاء الله اضبطها
بس عندي لج راي :
بدال الماي خذي حبتين ماجي و ماي و ذوبيهم عالنار و عقب صبيهم عالورق و طبخيهم ..
و انا اضيف الفلفل الاسود رشه بسيطه و بدون الثوم … يطلع طعمه احلى و الذ ….
سلمت يمناج غناتي …
