أحلى صور لأحلى عرايس 2024.

السلام عليكم
شفت طريقه حلوه لعمل العرايس فحبيت انقلها لكم بتصرف وأتمنى أنها تعيبكم
أول شي لاتضاربون…كل واحد ياخذ له وحده..

نقول بسم الله:

1- المقادير:

يعني تجيبي اللحم مفروم ناعم مره وتفرمي كل شي على حده وتخلطينهم
بعدين كلهم سوا بيدك زين تخلطينهم باليد.

اما انكم تجيبون خلطة كباب جاهزة من اللحام يكون فيها البصل والبقدونس والبهارات والملح
او انكم تسوونها بالبيت وعشان تسوونها بالبيت .. زيدوا عليها حبة طماطم متوسطه مفرومه ناعم
(عشان ما تطلع اللحمه ناشفه لما تنشوى بالفرن)

2-الطريقة:

تجيبي خبز لبناني سميك شوي مو الرقيق
تجيبيه وتفتحيه من جهة واحده شوي وتمدي فيه شوية من اللحمه
وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون
وتدهني الخبزة من الامام والخلف بس لا تمليها زيت بس مسسسح بيدك

ثم تقسميها لاربع اقسام بعدين تلفي كل خبزة بالسيلفر (القصدير)
وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن

وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 – 200
درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي
ممكن تاخذ وقت 30 دقيقة على حسب نوعية الفرون ونوعية الخبز
اوتشوينها بالفحم بعد ماتحطينها بالشبك

بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس
وبعدين شيلي عنه السيلفر وحطيهم كلهم في صحن
وغطيه زين بالسيلفر او بحافظه او بكيس نايلون واحكمي الاغلاق عليهم لمدة لا تقل عن خمس دقايق،
عشان تطرى الخبزة شوي اذا كانت محمصة والطعم احلى من اي مطعم

***ملاحظه:
تعبت وايد وانا قاعده احط وانزل فالصور
فدعوه حلوه منكم تكفيني

[URL="http://www.arabsys.net/islamsignature/index.php"][IMG]http://www.arabsys.net/islamsignature/coc/17.gif[/IMG][/URL]