سبحان الله والحمد لله ولا إله إلا الله والله أكبر |
اشحااااااااالكم خواااتي ؟؟؟ عساكم كلكم بصحه و عافيه
حبيت احط لكم موضوع لأول مره فهالقسم ههههههه
و طبعا تعلمت هالوجبه يوم كنت مسافره هند و اختلطت مع الناس و هم ما قصرو معاي
و بعد فترة سويت الوجبه وطعمه لذيذ
وكيف انا اكل وما اعطيكم الطريقه ما يصيير
يلا عاد وايد رمست اخليكم مع الوجبه
المقادير :
1- ذره مجمد .. انا اسوي نص كيس ذره
2- زيت نباتي لا تستخدمون زيت زيتون .. تقريبا 4 ملاعق زيت
3- فلفل احمر .. ربع ملعقه
4- كركم .. ربع ملعقه
5- ملح .. اقل من ربع ملعقه
6- زنجبيل مع ثوم
7- ليمون .. حبه وحده تكفي
(ملاحظه ): تقشرين الزنجبيل و الثوم و تقصيهن قطع صغار و تحطيهم فالخلاطه مع شويية ماي و تخلطينهم يلين ما تختلط الزنجبيل مع الثوم .. و تاخذين منها نص ملعقه
الطريقه :
اولا تسخنين التاوا و تحطين فيه زيت وتترين يلين ما يسخن الزيت و بعدين تحطين خليط الزنجبيل مع الثوم و بعده
تحطين فلفل احمر على حسب الكميه ألي طلبتها منكم و ألي يحب اسبايسي شراتي يقدر يزيد شويه لأنها اكله
هنديه فلازم حاااار هههه و بعدين تحطين كركم مع ملح و تخلطينهم على نار هاديه لا تعلين على نار عسب ما
تحترق البهارات و بعدين تحطين الذره و تخلطينه ويا البهارات عدل عسب تتمسك فيها و عقب ما خلطتيه تغطين
التاواه بالغطاه و تخلين النار على هادئه لمدة 6 او 7 دقايق عسب ينضج الذره انا عن نفسي يوم اسمع صوت
فرقعه اشله من النار و اخر شي اتحطينه فالطبق و تقدمينه مع الليمون .
وعلييييييييييكم العااااااااافيه
اختكم الطنيجيه
شكرا على الوصفه عموما
َ و إِغْسِلْنِيْ بِـ ثَلْجُ الْعَفُوُّ وَ آلْبَسَّنِيّ مِنْ سِتْرِكَ ’’ غَطْآ ’’
احس طعمهااا لذيذ
لانه الاكل الهندي رووووعه
لا اخوي ألي فالمولات ما يسون جي
انا حطيت ذرة بطريقة هنديه غير عن المولات
و مشكور على مرورك
حاولت احطي اختي بس مارمت احط لأني ما عرفت اشقايل احط السموحه
انا بعد يوم كانو يسون حسيته غريب بس عقب يوم اطعمت طلع وايد حلو
ومشكوره على مرورج