| سبحان الله والحمد لله ولا إله إلا الله والله أكبر |
فريق 16 سنة بنادي الرمس يخسر 2/1 امام عجمان والإدارة والجمهور يغيبان عن التشجيع!!
خسر فريق نادي الرمس 16 سنة مباراته التي اقيمت في نادي الرمس بنتجة 1/2 أمام نادي عجمان ، سجل هدف الرمس مايد سليم.
اللافت في المباراة ليست النتيجة التي خسر بها الفريق بقدر ما كان غياب إدارة النادي عن حضور المباراة ، لكن على جانب من الملعب كان هناك كل من علي صالح الحرش وعبدالله الحسني (الإدارة السابقة) التي كانت ولا زالت تتواجد مع فريق الكرة ، ولعل فريق 16 يحضى بدعم أكبر لأنه رافد مهم للكرة في النادي.
فهلا تواجدنا معهم لنشد على يدهم ونكون لهم نعم الداعمين..!
التعديل الأخير تم بواسطة إدارة 5 ; 25 – 2 – 2024 الساعة 09:06 PM
وينكم يالادارة عن اللاعبين
,,, ترا الدعم المادي مب كل شي في النادي ,, اللاعبين يبون دعم معنوي منكم,,
وجودكم بس الملعب يعطيهم دافع قوي,,,
علي صالح ,,, عبدالله لحسيني,,, والله ارفع لكما القبعة احتراما لكما ولمتابعتكم الدائمة,,,
[CENTER][U][url=http://www.arab-x.com/][img]http://up.arab-x.com/uploads/images/arab-x_com_dc08f753f6.gif[/img][/url][/U][URL="http://www.pc4up.com/"][/URL][/CENTER]
نادينا فاشل …………وبعد بتشوفو البلاوي ….
الزين الي طلع بس اللجنه الثقافيه والطائره شئ ثاني لا …لا تنظيم ولا فكر صح ولا اهتمام …
والي بيزعل يزعل بس هالصدق
سبحان الله وبحمده ..سبحان الله العظيم
ذكراك في دنيا ,,, وذكراي في ويل …
دايما بتشوفون ردي لخساير نادينا
لاتعليق
شو تبون نقول اكثر…!!!!؟
ما شي اهتمام في بقية الفرق
يعني أنا في كل المباريات اشوف بو عادل بس يكون موجود
رغم انه من الاداره السابقه الله يعطيه العافيه
الله يعينا ان شاء الله
[IMG]http://i269.photobucket.com/albums/jj46/almw3od/Nrtyrty.jpg[/IMG]
[SIZE=3][COLOR=red][IMG]http://up-00.com/uploads/4e50843ea1.gif[/IMG][/COLOR][/SIZE]
[IMG]http://img34.exs.cx/img34/4171/zayed.gif[/IMG]
[IMG]http://design2.jeeran.com/t-1.jpg[/IMG]
[SIZE=4][COLOR=#4169e1]"تذكر أنك في الرمس.نت دائما أول من يعلم"[/COLOR][/SIZE]
و ان شاء الله كل شي بيبين في المواسم القادمة بإذن الله
و الله يوفقهم
العتيبي
بس الواقع شئ ثاني والامكانيات الله يستر والتفكير الله المستعان ماعرف كيف …….
ناديينا بصوب والنجاح بصوب ثاني …لا نقص لعمرنا اي سنوات جدام..؟
نحن ماعدنا قاعده اصلا ولا شئ الي بالمراحل السنيه من يوصولو ثنويه عامه وبنخرطو بالدوام والدراسه الثانيه ما بتحصل حد بالنادي
اقولك شئ انا كنت العب بالنادي وكنا 21 لاعب واكثر ونتايجنا احلا منها ماشئ ..كان مدربنا شاكر جان تذكره واحمد سليم وعقب جاسم البوت وسالم البوت وكابتن عيد مصري ها لين فريق 18 يعني عقبها المفروض فريق اول
وكان فريقنا يلعب وكل حد يعرف تدري منو الي بقى منا بس محمود الماس وبعد انباع تذكر هالجيل وبتعرف
21 لاعب ولا واحد منهم للحين بالنادي شو بتتريا السنين اليايه عيل ..
بنقعد نلقط لعيبه من هنه وهنه ولا واحد يلعب علشان الشعار كل حد بكيفه وبفلوس اوكي الحين احتراف وبيزات عرفنا
بس اول حب النادي علشان تلعب عدل .. الرمس متروسه لعيبه بس وين الي بييبهم اهنيه السؤال
الله يعين
والله اتمنى للرمس والنادي كل الخير ونشوف الرمس فوق
ويوم ننتقد مب كره ها حب وغيره وزعل
السموحه
سبحان الله وبحمده ..سبحان الله العظيم
ذكراك في دنيا ,,, وذكراي في ويل …
و انا معاك في كل كلمة تقولها … و مب مختلف وياك بس لازم نوقف اشويه عند كم من نقطة
أولها : مب جمهور الرمس بنفسه او الغالبيه الكبرى طالب بأن يتم تغيير الإدارة السابقة و وضع جيل من الشباب الواعد ..؟؟
وتم التنفيذ
مب الكل يدور على الشهرة و أنه يكون ناحج بحياته و منها لعبة كرة القدم ..؟؟ و في حديث مع الاخ الحارس محمود الماس و أنسأل هل فيه امكانيه انك تلعب بنادي الرمس نفى هذا الشي … لانه تعب و أجتهد و حصل للي يبيه يعني كل لاعب موهوب و مجتهد يطلع من النادي أكيد العروض بتنهال عليه .. تبغي الادارة توقف بويه مستقبل اللاعب ..
اذكر كان هناك انتقاد من بعض الاخوه من فتره .. يقولون ليش بعتوا اللعيبه .. منو عندنا …؟؟ كل اللي قاموا يلعبون متوسط اعمارهم 20 سنه أن ما كان اقل …
بس كل اللي انباع كان لصالحه الشخصي و هذا مستقبل …. ترضى لو كنت ما تدرس و لا تشتغل و قاعد على الكوره أتييك عروض من اندية من الدرجه الأولى انك تحتكر من قبل ناديك ..؟؟ و يرفض بيعك لمجرد انه يبغي لعيبه ..؟؟
اوكي الكل لازم يخلي ولائه للنادي بس لو إمكانيات النادي اقل بكثير من الاندية الثانيه اللي هي بالملايين و بالارقام الخياليه ..
و سبب أخر الكل يعرفه .. ان اندية رأس الخيمه ما تفلح بسبب عدم وجود تفريغ للعيبه .. يعني مب بس نادي الرمس اللي يعاني من هذي المشكله و مب بس في إمارتنا .. حتى قبل كانت الشارجه تعاني من هذا الشي
يعني فيه ظروف الإدارة الحاليه (( مب مكمله 10 شهور )) تدرس هذي الامور كلها و تحاول تجد لها حلول و بدائل مناسبه
نحن صبرنا على الادارة القديمه 20 سنه فما فوق .. ما بنقدر نصبر على الادارة الحاليه 5 سنين ..؟؟
اخوي انا معاك ماشي حاليا قاعدة للناشئين و الاشبال يعني ما تشوف اللعيبه شرات قبل .. لنقص في الاهتمام بس ان شاء الله الإدارة تاخذ على المكان اشويه و تشوف الاوضاع و ان شاء الله خير
ملاحظة : مثل هذي النقاشات و ان أختلفت الافكار و الاراء تبقى مفيدة لتعدد الخيارات و الاقتراحات في إطار حواري مفيد للجميع
و ملاحظة اخرى : ينقصى مسؤول من النادي يتواصل مع الجماهير أول بأول و يرينا الخطط المستقبليه للنادي علشان الجمهور يشارك برأيه و يشوف بنفسه كل شي
و السموحه
العتيبي