كتب في تصنيف بتاريخ Sep 26 2024 18:58:20
صحيفة المرصد
وشملت الدراسة 3 آلاف امرأة تتراوح أعمارهن بين 18 و 65 سنة. و قد اعترفت أربع من أصل عشر نساء أنهن غير قادرات على الاحتفاظ بسر مهما يكن شخصياً.
وأشار مدير شركة نبيذ تشيلي في بريطانيا مايكل كوكس إلى أن "النساء غالباً ما يبحن بالسر إلى شخص غير معني في الموضوع أو ينتمي إلى دائرة اجتماعية مختلفة. وعلى الرغم من أن 9 من أصل عشر فتيات يعتبرن أنفسهن جديرات بالثقة، إلا أنهن يبحن دائماً بالأسرار".
وأظهرت الدراسة أن المرأة تسمع ما معدله ثلاثة أخبار ثرثرة في الأسبوع وتخبرها لشخص واحد على الأقل. غير أن ثلثي النساء يشعرن بالذنب بعد البوح بالسر.
| سبحان الله والحمد لله ولا إله إلا الله والله أكبر |
كلام الاولين في محله
(لا تعطي سدك لمرأه حتى لو كانت امك)
سدك : يعني سرك
التعديل الأخير تم بواسطة عبدالله سالم الشميلي ; 27 – 9 – 2024 الساعة 03:01 PM
الرمس نت
كلام الاولين في محله
(لا تعطي سدك لمرأه حتى لو كانت امك)
هذه القصه سمعتها من شوابنا وتقول :
ان في زمن من الازمان كان في شيبه يوصي لولده ويقول له .. يا ولدي بوصيك بثلاث :
1- ولد الحرام لا تربيه .
2- بنتك لا تزوجها لغني .
3- سرك لا تأمنه لمرأه حتى لو كانت امك .
مرت الايام و كبر الولد وصار عنده بنتين .. وقال فخاطره بخالف وصية الوالد وبجرب شو يصير !!
فزوج بنته الاولى لغني والثانيه لفقير ..
وفي مره من المرات كان جالس بمجلس وفيه ناس معاهم طفل مجهول الهويه ( ابن حرام ) والعياذ بالله .. وكل واحد يتشاور منو بيربيه ؟؟ فقال لهم هالريال انا بربيه و بحسبه حسبة ولدي .. وفعلا رباه و كبر الولد و عباله انه ابوه ..
وكان حاكم قبيلتهم يربي ( طيور النعام ) .. وهالريال سرق من الحاكم نعامه لهدف في باله ..
الحاكم قالهم اللي يحصل نعامتي له مكافأه ماليه .. والناس سمعت بهالخبر وكل واحد فيهم يبي يعرف منو اللي سارق النعامه .. فقام هالريال وقال لامه : تراني انا اللي سرقت النعامه بس لا تخبرين احد ..
الام قالت : اكيد يا ولدي ما بخبر احد وانت تحمل من عمرك زين ..
شوي ويتها يارتها تسولف معاها وتقولها ان في نعامه انسرقت من الحاكم و اللي يحصلها الحاكم بيكافأه .. الام بدورها قالت لها : ( يا فلانه ترى ولدي اللي سارق النعامه بس لا تخبرين احد ).
الحرمه ما قصرت و خبرت اهل الفريج ان فلان هو اللي سارق النعامه .. لين ما وصل الخبر لـ ( ابن الحرام ) اللي رباه الريال و حسبه حسبة ولده .. ( ابن الحرام قال فخاطره بحصل فلوس لو بلغت ع ابوي )
وفعلا راح و بلغ على ابوه ..
والحاكم قال للأب : لو تبيني اعفيك هات لي سبعين ناقه بعداتهن .
الأب تورط وقال من وين وانا فقير ؟؟؟ فراح لزوج بنته الغني وقال: له بغيتك تدبر لي سبعين ناقه بعداتهن للحاكم .. فقال له الزوج الغني : ان شاء الله خير .. وعطاه ناقه يربانه وحده وقال له: هاللي قدرت عليه ..
الاب قال بجرب زوج بنتي الفقير : وراح له و قال له: يالنسيب بغيت منك سبعين ناقه بعداتهن ..
فقال له الزوج الفقير : ابشر .. وراح ويسأل الناس لين ما كمل العدد ( 70 ناقه بعداتهم )
فراح الاب وعطى النوق للحاكم .. فالحاكم ساله باستغراب : ( يا فلان : انت ريال معروف .. ليش سرقت مني النعامه ؟؟
الاب هني قال له وصية الوالد الشيبه :
1 – بنتك لا تزوجها لغني
2- ولد الحرام لا تربيه
3- لا تأمن سرك لامراه حتى لو كانت امك
فانا خالفت الوصيه كتجربه وصار اللي صار ..
1- سري امنته لامي وما قصرت خبرت اهل الفريج بالسالفه
2- ولد الحرام اللي ربيته هو اللي بلغ عني
3- زوج بنتي الغني عطاني هالناقه اليربانه و الفقير ما قصر .. دبر لي سبعين ناقه بعداتهن.
هني الحاكم عفى عنه وقال ( صدق كلام الاوليين : لا تعطي سرك لامرأه حتى لو كانت امك )
والسموحه ع التعليق الطويـل .
يعني بعطيكم مثال جريييب
انا
عندي اسرااار وايد من سنين لين الحين هالاسرار بيني و بين الناس اللي سلموني اياها
انا اللهم اني نزلت موضوع كتبه علماء جربوها على نسبه من النساء
والاولين هم اللي عرفو وقالو هالمثل مو ووووووووووووووووانا علشان ما احد يزعل مني
ولو زعلكم ما بنزل موضوع مشابهه حتى لا نكون حساسيه
مثل ما يقال : اختلاف الرئي لا يفسد من الود قضيه
بارك الله فيكم
والسموحه على هالموضوع الذي ازعج البعض
آآآآآآآآآآآآآسف 
بالياباني
كوني شيوا
في ناس تحفظ وفي ناس لااااا
وميرسي ع الخبر خيوووو
التوقيع مخالف
الإدارة
