التمرية بالناريل والمكسرات 2024.

سويت هالتمرية , وسرنا الحديقة ناكلها
وانا ما اسويها الا يوم العيد , بس اليوم
دارت على بالي , وقلت بسويها
وبعطيكم طريقتها

المقادير

تمر بدون نوي ( خلاص ) _ شكر _ هيل _ جرفة _ زبدة
كاجو _ لوز _ فستق _ بسكوت اولكر _ ناريل مبشور

الطريقة

سخني ملعقتين زبده في التاوة , و قطعي التمر قطع صغيرة , وقلبيهم مع الزبده
حطي الشكر , والجرفة الناعمة , والهيل المطحون, والمكسرات , والبسكوت على التمر ( البسي قفازات نايلون ) وادهني القفازات بالزيت , وادعكي المكونات كلها بإيدج لين تختفي كل المكونات في التمر , افردي التمر ( بالنشابة ) على طاولة المطبخ , او صينية مدهونة بالزيت , عسب ما يلصق التمر , ويخترب
قطعيهم مكعبات متساوية ,, ورشي على كل مكعب تمر ناريل مبشور من الجانبين ,, وتقدرين تسوينها طبقات ,( طبقة تمر وطبقة بسكوت )
حطيهم في اكياس الكيك او صحن التقديم ,, وقدمي التمرية مع القهوة

طريقة القهوة

فوري ماي حار وحطي ملعقين كبار قهوة عربية
حطي في الدلة .. زعفران _ هيل _ ماي ورد , صبي القهوة في الدلة