| سبحان الله والحمد لله ولا إله إلا الله والله أكبر |
اخترت لكم اليوم نوع من التشيز كيك ممكن اتغيرون نكهة الفراولة اي نكهة اتحبونها~>
المقادير
الطبقه الاولى
بسكوت دايجيستيف 200 جرام او اي بسكوت شاهي او اي كيكه ((اختياري))
زبده 25 جرام
الطبقه الثانيه
جبنة فيلادلفيا 200 جرام
حليب نستل المحلى 190 جرام ((تقريبا نص من العلبه الكبيره))
قشطه سائله 200 ملي ((او كريمه الخفق اختياري))
1 قشطه عاديه 170 جرام
ظرف 1 دريم ويب
2 ونص م ك جيلاتين بدون لون ونكهه مذوبه في ماء ساخن
حليب 50 ملي
ربع م ص ملون الطعام اللون وردي((اذا تبون لونه اغمق تقدرون تزيدون بس الافتح احلى))
7 حبات فراوله طازجه
الطبقه الثالثه
نص ظرف جيلي فراوله
فراوله طازجه
الطريقه
أولا نطحن البسكوت ونذوب الزبده ونخلطه مع بعض جيدا ونصفيه بشكل متساوي في الصينيه تشيز كيك الي تفتح
وندخلها الفرن لمدة دقيقه من فوق وتحت ونحطه على جنب
((تستطيعون تحطونه في الثلاجه لحتى تتماسك البسكوت اختياري انا افضل ادخله الفرن لمده دقيقه يعطيني طعم رائع للبسكوت ))
في خلاطه العصير نصب الحليب و 7 حبات الفراوله ونخلطه مو واايد لانه نريد قطع من الفراوله
شوفو كيف القطع
ونصب الخليط في خلاطه الخفق ونحط ظرف دريم ويب ونخلطه الين يصير مثل الكريمه
وبعدها نحط القشطه السائله ولحليب المحلى ولقشطه العاديه وجبنة فيلادلفيا ولجيلاتين
ونخفقه الين يصير عندنا مزيج من الكريمه
ونضيف عليه ملون الطعام
ونصبه في الصينيه الي صفينا فيها البسكوت وندخلها الثلاجه لمدة 5 ساعات او اكثر لحتى تجمد الكيكه
انذوب الجيلي في ماء ساخن ونخليه يبرد
بعد ماتجمد الكيكه نطلعها ونزينها بـ شرائح الفراوله ونصب عليها الجيلي
وندخلها مره ثانيه الثلاجه لمده ساعه او اكثر لحتى تجمد جيدا
هذي بعد ماطلعناها من الثلاجه وحطيناها في الصينيه
وهذا لاول رد ^_^
منقوووووووووووووووول للافادة
بس جربتها طلعت رووووعة
بس مع الـأســف نص الصــور مــآظهــرت … ولو بالــفآنيـــلـآآ بتكــون وآآآيد أحـــلى .. لـأنـي مــآحب الفــراولــه بالكيــكًـ
^_^
نتـــــــريــآ الزووود منج حــبوبه
يسلموووووووووووووو , شكله يشهي
نورتو الموضوع
طبعا الكيكه حقLoOonely_Girl
احس هناك عده طرق للشيز كيك
قريها في بعض المنتديات
وانا طبعا ادور الطرق السهله
وان شاء الله راح اجربها
قصدي قريتها في بعض المنتديات
نتظر يديدج
وااااااااايد حلوه
تخترب عندي يوم اسويها تعتفس ههههه