حبيت اناقشكم بشي بخصوص امارة رأس الخيمه …
ما شاء الله الاماره في تطور ملحوظ … و هاا الشي واضح …
اقتراح :
شو رايكم ايكون لكل منطقه حديقه خاصه نسائيه للحريم و الاطفال الوحده فينا تقدر تاخذ عيالها و اتروح منها العياال يلعبون و الحريم يتيمعن مع الحريم و اللي يتمشى و اللي تترمم …
مو افضل … يعني في عوايل و حريم ما يقدرون يسيرون لحديقه صقر او الكورنيش …و الاماكن الثانيه اي بالاحرى ما بتآخذ راحتهااا وايد …
عالاقل وحده بالسيح ، والثانيه بالظيت ، و وحده صوب الرمس و الجلفااار ….
حبيت اتشاركوني برايكم عالاقتراح ….
و اذا لاقت استحسانكم اتمنى ان يتنفذ …
يعني كل اماره انروح لها لكل شعبيه منتزه او حديقه … ليش نحن ما يكون عندنا و خاصه امارة راس الخيمه مساحتها كبيرة …
| سبحان الله والحمد لله ولا إله إلا الله والله أكبر |
الحمد لله على كل حال
حاليا يتم تجهيز حديقة شعم لكنها حديقة عامة وليست للنساء والأطفال فقط،،
طالبنا بضرورة حديقة أو نادي يخص النساء والأطفال في منطقة الرمس أو خور خوير أو جلفار أو تخصيص مساحة من نادي الرمس للنساء والأطفال،،
ولكن لا حياة لمن تنادي،،!!
أحلامنا شاسعة ولا حدود لها،،
ولكن تحقيقها على أرض الواقع صعب فهناك أشياء أخرى تعوق الأولوية بإيجاد حديقة للنساء والأطفال ،،
دمتم بخير،
خل يسوولنا نادي رياضي
طبعا هذا الشي كان لازم يصير من زمان..كان المفروض كل فريج فيه حديقه خفيفه حتى الناس توصل مشي للمكان….لما نسافر عيالنا يستانسون عالحدايق البسيطه اللي تكون ورا الفنادق..ونقول يا ريت عندنا نفس جي
يعني شي بسيط و اعتقد انه الميزانيه ما راح تكون كبيره ، و نحن المساحات الفاضيه عندنا وايده ، …
مو هم الدوله انها توفر الراحه للمواطن ،،،
و الطلب او الاقتراح هب تعجيزي الواحد ما يروم ينفذه ،، الجهود و الاعمال اللي تقوم بها البلديه و الدوائر الثانيه مشكوره و موصول لهاا الشكر و التقدير … و نعرف انه المخططات اللي عندها وايده و لصالح المواطنين ،، و الوقت كفيل و بيبان كل شي مع الايام بس النظر في تطوير و المنظر الجمالي و توفير المرافق الخاصه بالعوايل بعد المفروض تكون بعين الاعتبار ،،، و الاماكن والمرافق راح تكون كثيرة و غير محصوره على كمن مكان بس ….