طريقتي في عمل الباونتي بأسهل حركة وأحلى طعم^____^حياكم 2024.

اشحالكم ^____^وشو اعلومكم؟؟
اليوم العصر كنت ملاااااااااااااانة من خاطر مب عارفة شسوي
ويا فبالي شي واااحد
اني اطلب من الدكان ^_____^واخربط فهالسوالف
ممممم بس وانا اطلب ذكرت الوالدة ^____^
طلبت ككاو جلكسي يمي يمي ^^
وانا من طيبي ذكرت الوالدة واحيدها اتحب الباونتي
بس قتلها وحياتج ما اتذوقين الباونتي الا من ايدي ^____^وعقبها قووولي وين اخير؟؟مالي لفرررش ولا مال الدكان هالككاو البااايت >_<

المهم المهم ما بطول عليكم بالسالفة خلووونا ندخل فالخطوات والمقادير وان شاء الله ما بتعبكم وبتدعولي من وراها ^____^

بسم الله الرحمن الرحيم

هاي المقادير:ناريل(مقدار3اكواب)-حليب محلى (قوطي كامل)-قشطة (علبة وحده)-6ككاو جلكسي سادة-اعواد خشب

اصب الناريل فملة

اظيفله الحليب

واخلط عدل

لين يصير جذا

عقب اكوره واحطه فصينية

احط العيدان فيهم(عقب اخلي هالصينية بالثلاجة 15دقيقة عسب يمسك الناريل والحليب فالعود)

فهالوقت اكسر الجلكسي واحطه على الجولة وعلى نار هاااادية(عندج حرية الاختيار اما اتذوبين الجلكسي بطريقة الماي الحار او ابهالطريقة)

من يبدى يذوب الجلكسي احط القشطة

واتريا لين ينخلط الجلكسي عدل ويا القشطة

اهااا بس جذا اوكي ^____^

فهالوقت اطلع الناريل من الثلاجة واقربه من جدر الككاو

ايود الناريل من صوب العود واحطه فالككاو

اكمل الباجي واتريا الككاو يبرد اشوي(ممكن استخدم قراطيس التقديم فهالشي)

وفي هذه الاثناء وانا مندمجة بالشغل جان تدخل الوالدة

قلبي عورني ,,اتقولي وهي داشة:حشى مب حلاوة تاخذ كل هالوقت(شكلها متحرقصة تبا اتجرب الباونتي>_<)
وسوت شي ماكان عالبال ولا عالخاااطر
ها وانا اقولها كملي الشغل بسير اصلي وارد ومن خلصت صلاتي والا واشوفها …..

!!!!!!!!!!!!!!

اهئ اهئ وا خسارة تعبي وشقاي

اتقول دلع بنات بعد اونه لو تميت اسوي جذا باجر بخلص

ما اتخيل اقولكم

اول مادخلت سويت جذا@_@ !!!!!!!!!!

قلت واااااااااااااخسارة تعبي بس >_<

حظرتها شلت جدر الككاو وصبته فووق الباونتي (اونه اسرع )