كنت في شارع المنتصر قبالة جمعية راس الخيمة التعاونية في النخيل وزحمة ولما دققت النظر شفت واحد واقف ع الرصيف تميت مراقبنه شوي لاحظته يترصد سيارات المواطنين بس والسيارات الكشخه يوقف عند السائق يشحت ولما وقف عدالي طلعت لبسته ما سويت له سالفه عصب وقام يسب ويشتم خليته ووقفت في الموقف المقابل وقعدت اراقب شفت ان هذا الرجل شحات متنقل مرة عند الجمعيات الكبار ومرة فالشوارع ومرات احصل حرمه شاله ياهل صغير تتسول فيه عند اشارات البريد براس الخيمة ولما سالتها وتحققت عرفت ان الطفل ولد صديقتها
يا جماعه انا ما احقد عليهم ولا اكرههم بس كل شي له اصول والله انه في شباب تحت العشرين امتهنوا هالشغله (( الشحاته ))
وواحد منهم انا بروحي يبت له وظيفه بس رفضها ورجع للشحاته لانها اكثر دخل وما فيها دوام
| سبحان الله والحمد لله ولا إله إلا الله والله أكبر |
فانتبهوا يرحمكم الله وحطوا فلوسكم وصدقاتكم في مكانها ولمستحقينها
ولد المــــــطر
| ولما وقف عدالي طلعت لبسته ما سويت له سالفه عصب وقام يسب ويشتم خليته ووقفت |
معقولة يسب لانك فقط ما عطيته شي ؟!!
قلتله هذا مسطين يمكن عنده عيال ..
قالي كلام شعر ينبي وقف..
تعرفون شوقال؟؟؟؟
هذا الريال يشحت والبيزات الي يحصلها يشرب خمر بها.
بدل ما اساعد على الخير حسيت اني اياعد في الشر..
نفس الوقت اتصلت بالشرطه وعطيتم العنوان حتا الشرطه يعرفونه..
قالولي بناخذ الاجرءت ماعليك..
ومن عقبها حرمت اعطي واحد يشحت في الشارع..
اذا بصدق في الف صندوق مال الجمعيات الخيريه..
هذي سالفت واحد مجرب فتعضو يا أولي الألباب .
والحمدلله الجمعيات الخيرية موجودة بكل مكان وحتى صناديق التبرعات موزعينها بين البيوت
بس انا اسمع كلام عن الجمعيات الخيرية و اخاف ما يعطونها للمستحقين و اشوف انه الحل الامثل الواحد يدور الاقرب فالاقرب يعني انا دوم اعطي صدقة و غيرها لواحد من جيرانا مسكين و متأكد من حالته مب ماخذنها مهنة
حتى ما يطلب نفسه عزيزة
لو يحطون لنا ارقام نفس دبي جان زين ويسوون حمله لمداهمتهم
والصدقات الانسان يدور حواليه وبيلاقي …حتى العايله نفسها فيها الغني وفيها الفقير اللي محتاج الصدقه
[flash=http://im19.gulfup.com/2012-08-11/1344693817401.swf]WIDTH=400 HEIGHT=150[/flash]
تسلم يا صدام ع التوقيع
يمكن يكون فيه مرض نفسي والله اعلم
