ابي اسويلهم برياني من ايدي
سبحان الله والحمد لله ولا إله إلا الله والله أكبر |
بلييز ابيكم اتقوولولي برياني بالديااي بالتفصييل الممل الله يخليكم
السلام عليكم هلا خواتي ابي طريقه للبرياني انا مااعرف اطبخ بس ابي افحم اخواني لانهم دايما يقولولي انتي فحيااتج ماابتعرفي تطبخي
ابي اسويلهم برياني من ايدي بلييز ابيكم اتقوولولي برياني بالديااي بالتفصييل الممل الله يخليكم |
شكراااا….
هلا وغلا
لا ان شاء الله بتعرفين تطبخين وتفننين في الطبخ
شوي شوي وبتقنين كل شيء ان شاء الله
البرياني الدياي على طريقتي :
1- تقطعين الدياي
2- تحطينه في جدر وتحطين فيه روب وملح وبهارات و ثوم وزنجبيل مطحون وكزبره وصلصة طماط ونعناع وفلفل اخضر حار وهيل ومسمال قطع صغيره طماط وتخلطينهم كله مع شوية ماء وتتركينه ساعه ولا نص ساعه .
3_ تغسلين العيش .
4- وبعد ماخليتي الدياي فتره تحطين على نار هادئة حتى ينطبخ الدياي
مع التقليب بين فتره وفتره وعقبها تحطين فيه عصير ليمون.
5- وبعد ما خلص العيش ونظج تشخلينه .
6- الحينه نيب الجدر نحط فيه شوية عيش وبعدها نحط فيه شوية رشة زعفران ( تحطين زعفران في الماي ) وبعدها تحطين دياي، وبعدها تحطين عيش وعقبها الصالونه اللي هي مع الدياي ( لاني اقسم قسمين طبق عيش وبعدها دياي وعقبها عيش وعقبها الصالونه وعقبها عيش وعقبها رشة زعفران وبعدها بصل ( اللي هي تحمرين بصل وبس
وتخلينه الجدر على نار هاديه
وبالعافيه
في طريقة ثانيه بعد اذا حابه يكون الدياي محمر
1- عقب ما تقطعين الدياي تبهرينهم .
2- نجيب جدر نحط على الغاز ونحط فيه بصل ونحمرهم وعقبها نحط فيه ثوم وزنجبيل وعقبه فلفل اخضر حار وهيل ومسمال وكزبرة ونعناع وعقبه قطع صغار طمام وصلصله طماط وعقبه الروب بعد ما يذوب الطماط.
3- نحمر الدياي وعقب ما نحمره نحطه مع الصالونه وعقب شوي نحط فيه عصير ليمون.
وبعدها نكمل الطرق البقيه
وبالهناء والعافيه
واتريا البرياني وتنزلينه لنا.