سفرة عذوب الرمضانية << بالصور 2024.

1-صينية البطاطا << الطريقة من الأخت فراشة الرمس
2-بيتزا المعكرونة
3-دجاج بالقشطة
4-سويت الكستر <<< من تأليف الشيفة عذوووب
5-تمر ولبن هـــــع
6-كنت بسوي شوربة بس قالوا لي مب لازم دام شي لبن << لكن يعتبر رقم 6 ^___^ …"إنما الأعمال بالنيات"

الحين طريقة كل طبق ..

1* صينية البطاطا

فهالرابط راح تحصلون الوصفة ..

http://www.alrams.net/forum/showthre…?p=990#post990

تسلمين فراشة الرمس ^^

2* بيتزا المعكرونة

طبعا هذي الصورة قبل لا أدخلها الفرن ..

والصورة اللي عقب ما طلعت من الفرن ما حطيتها لأنها كانت …………… << نصها محترق ونصها سايح ..

المهم الطريقة ..
1-نفور معكرونة وعقب ما نشخلها ..نخلط وياها الخلطة التالية:
(علبة قيمر + 3 ملاعق جبن سائل + ملعقتين مايونيز)

وعقبها نصف المعكرونة فصينية ..

2- على النار : نحمس كمية من البصل والطماطم ومعجون الطماطم مع البهارات والملح وشوية كزبرة..
نصب الخليط على وجه المعكرونة

3- نصب على الوجه شوية كاتشب .. وشوية شطة حارة (داقوس) << إهداء لعصفورة الرحمن :q

4- ننثر زيتون أسود وأخضر والقليل من الفطر ..

5- ندخل الصينية الفرن ونفتح الفرن من الأعلى فقط ..

6-نتريا شوي لين ما تسخن الصينية وعقب نطلعها من الفرن ونغطي الوجه بجبن الموزاريلا ..

7-نرد ندخل الصينية الفرن لين ما تسيح الجبنة ..

3* دجاج بالقشطة

-المقادير:
دجاج مقطع شرائح مسلوق بماء و قليل من الخل و الليمون
علبة فطر
علبة ذرة<< للرغبة
بصل مفروم
فلفل بارد شرائح طوال << للرغبة
جزر مبشور << للرغبة
م.ص. ملح
رشات من فلفل اسود
مكعب ماجي

– الطريقة:
نحمس البصل و الثوم و الكزبرة مع شوي زبدة
ثم الجزر و الفطر << ما حطيت الذرة والفلفل البارد .. لأي اكتشفت أنهم مب متوفرين فاللحظات الأخيرة
ثم الدجاج ثم الملح و فلفل أسود و حبة ماجي
و أخر شي نضيف نفس خلطة الجبن اللي استخدمناها فالمعكرونة اللي فوق

نتركهـا تطبـخ شوي ثم نضعهـا في صحن التقديـم وتزيـن بالبقدونس والجزر المبشور
.. تؤكــل بالخبــز العـربي ..

4* سويت الكستر

-في صينية بايركس نصف الطبقات التالية فوق بعض :

•الطبقة الأولى:
طبقة من البسكوت نرش عليها شوية حليب سائل لتلين الطبقة..

•الطبقة الثانية:
كستر : ( عالنار : ملاعق كاستر + كاسين صغار سكر + ماي بقدر دبة مسافي الكبيرة + 8 ملاعق حليب بودرة) ونستمر فالتحريك لين ما يبدا يتماسك ويغلط .. وقبل لا يبرد نصبه فوق البسكوت .. بس كل شي لازم يصير بسرعة بسرعة عشان ما يجمد قبل لا نصبه عالبسكوت

•الطبقة الثالثة:
طبقة بسكوت مرة ثانية..

•الطبقة الرابعة:
خليط من : ( 2 دريم ويب + علبة قيمر + شوية حليب بارد)

•المكياج:
قطع من الكاكاو المستخدم فالكوكيز + بسكوت ناعم ممزوج بالزبدة

ندخل الصينية الثلاجة عساس تبرد ..

وبــــــــــــــــــــــــس ^^

وهني وعااافية على قلوووبكم

لمزيد من الاستفسار يرجى توجيه الإسئلة إلى الشيفة : )3thoOoOOob