والطريقة وااايد سهلة
المقادير
جيلة ونص عيش مصري + ملعقة ملح + كوب عدس اسود + كيس معكرونه ( الامارات ) + بصل + علبة دنقوا
للصلصة : طماط مقطع + ملعقة صغيرة ملح + ملعقة صغيرة فلفل احمر ناعم
الدقة المصرية : خل + ثوم مدقوق + ماي + ذرة فلفل احمر ( انا استغنيت عنها ما احبها )
فوري العدس في ماي حار لمدة 20 دقيقة , وقبل ما يستوي بشوي صبي عليه كيس المعكرونه
وخليه يفور 10 دقايق , وعقب حطي العيش والدنقو , وجيكي على الحبة كل شوي ,, ولا تنسين الملح
اشخلي العيش ورجعية في الجدر ,, وخليه يتسكر على نار هاااادية
قطعي البصل بالطول ( جوانح ) وشيطيه في الزيت , وذري عليه شوي طحين عسب يطلع مقرمش
وحطيه فوق العيش
طريقة الصلصة ( الدقوس )
| سبحان الله والحمد لله ولا إله إلا الله والله أكبر |
قطعي الطماط قطع صغيرة وحطيها في الخلاط , ملعقة صغير ة ملح , ثوم مدقوق , وشوي ماي وفلفل احمر
خليه يخلط لين يختفي الطماط ,, وعقب حطيه على النار 10 دقايق
وهذا صحن الكشري
يالله جربوا الطريقة وبالعافيه عليكم
أما إنتي ياحرم علي .,.,تقدمين لنا من كل دولة طبق .,.,ومن كل بستان زهرة
وتسلمين على هالأكلات الحلوة واللذيذة
احب الاكلات المصريه ومن بلاد الشام
عامة تسلمين الغاليه مممممم
آلله يحفظج ,’ تسلميين ..
تسلم ايدج حبوووووبه
يعطيج العافية الغالية
لأني أحبها وااااااايد
طريقتج واااايد سهله ونتيجتها رهييييبه
الله يعطيج اااالـف عافيه وتسلم إيدج
لا تحرمينا من أكلاتج غااليتي